Item : L'vin bianc (enq.)

L’vin bian, l’vin bian
Est thieu que reun remplace
L’vin bian, l’vin bian
Vaut meux qu’tout’ zeu vinasse
L’vin bian, l’vin bian,
O vous r’met l’thieur en piace
In cot d’vin bian,
Vous rajhèn’zitd’vingt ans

Ol est nous aut’ que jh’l’ons pianté
Thielle veugne qui doune la lithieur bianche,
Ol est t’â nous d’n’en récolter
Les rasins qui v’nant dans ses branches,
Il avant chanté tous les vins,
Le Bourdâ, l’Bourgogne et l’Champagne
Il ant chanter les bier’rs d’Allemagne,
Peuvons b’chanter l’jhus d’nous rasins.

Refrain :
L’vin bian, l’vin bian
Est thieu que reun remplace
L’vin bian, l’vin bian
Vaut meux qu’tout’ zeu vinasse
L’vin bian, l’vin bian, ;
O vous r’met l’thieur en piace
In cot d’vin bian,
Vous rajhèn’zitd’vingt ans

Jh’baill’ris mes pirons, mes gorets,
Mes zoueilles, mes perots, ma beutjhouèse,
Putout que d’pard’ mon vin thiairet,
Qui rouill’ les zeuils coum’ in’ élouèse ;
Jh’en ai thieuqu’ fûts sous mon ballet,
Qui n’ant jhamais-t-éyut d’baptême,
Jh’en aim’ris meux 500 d’même
Que la piace de nout’ Sous-Peurfet !

Refrain

Thiau vin si jholit et si gris,
Est thieu qui fait la Fin’ Champagne,
La jhalous’rie d’bein des pays,
Et la fourtun’ de nous campagnes.
I descend si bein dans l’jhabot,
I se thitte si bein, si bein bouère
Que chaquin l’matin peur tuer l’ver,
Manjh’ ine goulée peur bouère in cot.

Refrain

Il est doux quant’ il est nouviâ,
Pu bon peur tremper la roûtie !
Quant’ on n’n’a troués ver’s dans la piâ,
Y a point d’danjher de maladies,
Et quant’ il a l’âjh’ de troués z’ans.
Son bouchon peut’ coum’ ine peutouère,
Il est pu jholi dans n’in verre
Qu’les zeuils d’ine drôlesse de vingt ans !

Refrain