Item : Moe qu’ietet dans la debine (enq.)

Moé kqu’iétét dans la débine,
i msé en ali me prmenê
Dans kial joli vil de poétiès,
ouh ! mé gron dieu lâ jholi vile.
Ié jhamé vu la vile mêï, |
lés mouésings men ont empêchêï. | bis

Ié bê renkéntri in’ gron père,
é le mdisions kol étét le rouê.
Le mdisions kol étét noutre rouê,
cou tchi qui nous fesét si bê la guére.
Ié bê enlevi min’ chaiâ, |
o le mrépon’dé seulmont pas. | bis

Ié bê rentri dan lline égllise,
sans savoèr la iourkien étêt.
Ié bê vu meussieu le curéï,
oh ! qui nous annoncit la méïsse.
I keuriét k ol tét tantou fét,
dos diables si ol en finissét.

E l'prmenions por tchale égllise,
ine espèce de chaudring’.
Qu’étét tout remplli de boulling',
que l’arrouchions su nous échines.
I mé saqui dâr in’ pilêï,
dan la crainte d’on attrapêî.

Quantla premièr chonsin fut dite,
pi lmeussieu sdéshabilli.
Dan si huchêï le ménti,
pr nous kin’té in’ tâs d’affères.
Pi lnous a dit ken pouè de temps,
jhane et pi jhan se maririant.

Quan tla eu dit tout in’ tas dchouses
Quan tla eu dit tout skl savéï
De si huchêï ldescendit
pi la rpris sa grand’ limousine.
E pi lsavont rmi a huchêï
tout com’ le fesiont-en prmêï

Pi l’on supendu pr 3 ficéles
ine euspèss’ de ptit richâo bian
l’avant mis do poèvre dedans
é pi o fumét ke dpiu béle
ien avét kol les fesét toussêï
mé mouè o mfesét petêï

Ien avét llin qu’avét dssu sa tëte
ine éspéss’ de bounét carri
o ressembiét anin bournê
allour que l’on mét lés abouelles.
E le couéffiont lr découéffiont
i krrieut kl me salullont.

Pr mes besoins ko nvous dépiêse
iè sorti tout lprmé dtrtous
in soldat m’a dmondi cin sous
pr alé pissé le lon dsa rmise.
ié pris més deux jhamb a min’ cou
pi msé rendu pissé chez nous .